ஆஸ்திரேலியாவுக்கு எதிராக வெஸ்ட் இண்டீஸ் வெற்றி...டெஸ்ட் சாம்பியன்ஷிப் புள்ளி பட்டியலில் ஏற்பட்ட மாற்றம்

துபாய்,

வெஸ்ட் இண்டீஸ் கிரிக்கெட் அணி ஆஸ்திரேலியாவில் சுற்றுப்பயணம் செய்து 2 போட்டிகள் கொண்ட டெஸ்ட் தொடரில் விளையாடியது. இதில் நடைபெற்ற முதலாவது டெஸ்ட் போட்டியில் ஆஸ்திரேலியா வெற்றி பெற்ற நிலையில், 2-வது போட்டியில் வெஸ்ட் இண்டீஸ் வெற்றி பெற்றது.

இந்நிலையில் உலக டெஸ்ட் சாம்பியன்ஷிப் புள்ளிப்பட்டியலை தற்போது சர்வதேச கிரிக்கெட் கவுன்சில் (ஐசிசி) வெளியிட்டுள்ளது. அதில் சில மாற்றங்கள் ஏற்பட்டுள்ளன. அந்த பட்டியலில் ஏற்கனவே 56.25% புள்ளிகளுடன் முதல் இடத்தில் இருந்த ஆஸ்திரேலியா அணி சில புள்ளிகளை இழந்துள்ளது. இருப்பினும் அந்த அணி 55 புள்ளிகளுடன் முதலிடத்தில் தொடருகிறது. வெஸ்ட் இண்டீஸ் அணி கூடுதல் புள்ளிகள் பெற்று 1 இடம் முன்னேறி 7-வது இடத்தில் உள்ளது. இங்கிலாந்து ஒரு இடம் சரிந்து 8-வது இடத்திற்கு பின்தங்கி உள்ளது.

அந்த பட்டியல்;-

1. ஆஸ்திரேலியா - 55.00%

2.இந்தியா - 54.16%

3. தென் ஆப்பிரிக்கா-50.00%

4. நியூசிலாந்து - 50.00%

5.வங்காளதேசம் -50.00%

6.பாகிஸ்தான் - 36.66%

7.வெஸ்ட் இண்டீஸ் - 33.33%

8. இங்கிலாந்து - 15.00%

9. இலங்கை- 0.00%

இங்கிலாந்துக்கு எதிரான முதலாவது டெஸ்ட் போட்டியில் இந்திய அணி வெற்றி பெற்றால் மீண்டும் முதலிடத்திற்கு முன்னேறும் என்பது குறிப்பிடத்தக்கது.