பாகிஸ்தான் - வங்காளதேசம் 2-வது டெஸ்ட்: முதல் நாள் ஆட்டம் மழையால் ரத்து
பாகிஸ்தான் - வங்காளதேசம் இடையிலான 2-வது டெஸ்ட் போட்டி இன்று தொடங்க இருந்தது.
image courtesy: twitter/@ICC
ராவல்பிண்டி,
பாகிஸ்தானுக்கு சுற்றுப்பயணம் மேற்கொண்டுள்ள வங்காளதேச கிரிக்கெட் அணி 2 போட்டி கொண்ட டெஸ்ட் தொடரில் விளையாடி வருகிறது. இதில் நடைபெற்ற முதலாவது டெஸ்டில் வங்காளதேசம் 10 விக்கெட்டுகள் வித்தியாசத்தில் பாகிஸ்தானை வீழ்த்தி வரலாறு படைத்தது.
இதனையடுத்து இவ்விரு அணிகள் இடையிலான 2-வது டெஸ்ட் போட்டி அதே ராவல்பிண்டியில் இன்று காலை 10.30 மணிக்கு தொடங்க இருந்தது.
ஆனால் ராவல்பிண்டியில் கனமழை பெய்வதன் காரணமாக இந்த டெஸ்டின் முதல் நாள் ஆட்டம் டாஸ் கூட போடப்படாமல் ரத்து செய்யப்பட்டுள்ளது.