ஆத்தூர் தொகுதி திமுக வேட்பாளர் மாற்றம்

சென்னை,

தமிழகத்தில் ஏப்ரல் 6-ம் தேதி ஒரே கட்டமாக சட்டசபை தேர்தல் நடைபெற உள்ளது. தேர்தலில் பதிவாகும் வாக்குகள் மே 2-ம் தேதி எண்ணப்பட்டு அன்றே முடிவுகள் அறிவிக்கப்படுகிறது. தேர்தல் தேதி நெருங்கி வருவதால் கட்சிகளுக்கு இடையே கூட்டணி, தொகுதி பங்கீடு இறுதிசெய்யப்பட்டு தேர்தல் அறிக்கை வெளியிடப்பட்டுள்ளன. இதையடுத்து, கட்சிகள் தீவிர பிரசாரத்தில் ஈடுபடத்தொடங்கியுள்ளன.

திமுக கூட்டணியில் இடம்பெற்றுள்ள கட்சிகளுக்கு தொகுதி பங்கீடு முடிவடைந்துள்ளது. கூட்டணி கட்சிகளுக்கு ஒதுக்கப்பட்டது தவிர்த்து மொத்தம் 173 தொகுதிகளில் திமுக போட்டியிடுகிறது. இதற்காக 173 தொகுதிகளுக்கும் திமுக வேட்பாளர் பட்டியலை அறிவித்து திவீர பிரசாரத்தில் ஈடுபட்டு வருகிறது. திமுக வேட்பாளர் பட்டியிலில் சேலம் மாவட்டம் ஆத்தூர் தொகுதியில் ஜீவா ஸ்டாலின் வேட்பாளராக அறிவிக்கப்பட்டிருந்தார்.


சேலம் கிழக்கு மாவட்டம், 82. ஆத்தூர் (தனி) தொகுதியில், திராவிட முன்னேற்ற கழகத்தின் சார்பில் ஏற்கனவே ஜீவா ஸ்டாலின் பெயர் அறிவிக்கப்பட்டிருந்ததற்கு மாறாக, தற்போது கு,சின்னதுரை ஆத்தூர் (தனி) தொகுதி திமுக வேட்பாளராக அறிவிக்கப்படுகிறது’ என தெரிவிக்கப்பட்டுள்ளது.