முக்கூடல் பேரூராட்சி அலுவலகத்தை பெண்கள் முற்றுகை

முக்கூடல்:

முக்கூடல் அருகே உள்ள சிங்கம்பாறை பொன்நகர் தெருவில் கடந்த 6 நாட்களாக குடிநீர் வரவில்லை எனவும், இதுதொடர்பாக பலமுறை புகார் தெரிவித்தும் இதுவரை தண்ணீர் வினியோகம் செய்யப்படவில்லை எனவும் கூறப்படுகிறது. இந்தநிலையில் குடிநீர் கேட்டு அப்பகுதியை சேர்ந்த பெண்கள் நேற்று முக்கூடல் பேரூராட்சி அலுவலகத்தை முற்றுகையிட்டனர். அங்கு செயல் அலுவலர் மற்றும் தலைவர் யாரும் இல்லாததால் கோரிக்கை மனுவை அலுவலக பணியாளரிடம் கொடுத்துவிட்டு கலைந்து சென்றனர்.