சங்கரன்கோவிலில் வ.உ.சி. பிறந்த நாள் விழா

சங்கரன்கோவில்:

சங்கரன்கோவில் உச்சினிமாகாளியம்மன் கோவில் தெருவில் அ.தி.மு.க. சார்பில் வ.உ.சி. பிறந்தநாள் விழா நடைபெற்றது. விழாவிற்கு நகராட்சி அ.தி.மு.க. கவுன்சிலர் அண்ணாமலை புஷ்பம் தலைமை தாங்கினார். மாவட்ட மாணவரணி பொருளாளர் மாரியப்பன், முன்னாள் நகராட்சி கவுன்சிலர் உமா மகேஸ்வரன் ஆகியோர் முன்னிலை வகித்தனர்.

விழாவில் முன்னாள் அமைச்சரும். மாநில மகளிர் அணி துணை செயலாளர் வி.எம்.ராஜலட்சுமி சிறப்பு விருந்தினராக கலந்துகொண்டு வ.உ.சி. உருவப்படத்திற்கு மாலை அணிவித்து மரியாதை செலுத்தினார்.

விழாவில் சங்கரன்கோவில் ஒன்றிய செயலாளர் ரமேஷ், நகர செயலாளர் ஆறுமுகம், நகராட்சி கவுன்சிலர் சங்கரசுப்பிரமணியன், தலைமை கழக செயலாளர்கள் கணபதி, ராமசுப்பிரமணியன், நகர அவைத் தலைவர் வேலுச்சாமி, பொருளாளர் அய்யப்பன், நகர ஜெயலலிதா பேரவை செயலாளர் சவுந்தர் (எ) சாகுல் ஹமீது, எழில்நகர் கிளைச் செயலாளர் பாபு, கலப்பாகுளம் கிளைச் செயலாளர் பசும்பொன், தகவல் தொழில் நுட்ப அணி நிர்வாகிகள் எம்.எஸ்.முருகன், செந்தில்குமார் உள்ளிட்ட பலர் மாலை அணிவித்து மரியாதை செலுத்தினர்.