பள்ளி மேலாண்மைக்குழு பயிற்சி முகாம்

சூளகிரி

ஒருங்கிணைந்த பள்ளிக்கல்வி திட்டத்தின் கீழ் சூளகிரி ஒன்றியத்தை சேர்ந்த ஊராட்சி மன்ற தலைவர்களுக்கு பள்ளி மேலாண்மைக்குழு பயிற்சி சூளகிரி வட்டார வள மையத்தில் அளிக்கப்பட்டது. இந்த முகாமுக்கு பொறுப்பு மேற்பார்வையாளர் வெங்கடேசன் தலைமை தாங்கினார். ஆசிரியர் பயிற்றுனர் வைத்தியநாதன் வரவேற்றார்.

இதில், பள்ளி வளர்ச்சி, முன்னேற்றம், மாணவர் பாதுகாப்பு, பள்ளி மேலாண்மைக்குழுவின் பணிகள், பொறுப்புகள், கடமைகள் இடைநிற்றலை தவிர்த்தல், மாணவர் சேர்க்கையை அதிகப்படுத்துதல், எண்ணும் எழுத்தும், இல்லம் தேடி கல்வி, புதிய பாரத எழுத்தறிவு திட்ட செயல்பாடுகள், அரசின் நலத்திட்டங்கள் உள்ளிட்ட பல்வேறு தலைப்புகளில் கருத்தாளர்கள் பொற்செழியன், சுந்தரவேல் ஆகியோர் பயிற்சி அளித்தனர். இதில், சூளகிரி ஒன்றியத்தை சேர்ந்த ஊராட்சி மன்ற தலைவர்கள் கலந்து கொண்டனர்.