திரவுபதி அம்மன் கோவிலில் திருவிளக்கு பூஜை

சிவகிரி:

சிவகிரி திரவுபதி அம்மன் கோவிலில் பூக்குழி திருவிழா நேற்று முன்தினம் கொடியேற்றத்துடன் தொடங்கியது. நேற்று இரவு 7 மணிக்கு திரவுபதி அம்மன் கோவிலில் வைத்து வியாபாரிகள் சங்கத்தின் சார்பில் 401 திருவிளக்கு பூஜை நடைபெற்றது. தலைவர் அய்யப்பன் தலைமை தாங்கினார். செயலாளர் சீதாராமன், பொருளாளர் சிதம்பர குரு சாமி, துணை தலைவர் குமார், துணை செயலாளர் சுப்பிரமணியன் ஆகியோர் முன்னிலை வகித்தனர். தொடர்ந்து பெண்கள் திருவிளக்கு ஏற்றி பக்தி பாடல்கள் பாடினர்.