இரும்பு பாரம் ஏற்றிய லாரி விபத்தில் சிக்கியது

நல்லம்பள்ளி

ஆந்திர மாநிலம், விசாகப்பட்டணத்தில் இருந்து இரும்பு பாரம் ஏற்றிக்கொண்டு ஒரு லாரி ஈரோடு மாவட்டத்திற்கு புறப்பட்டது. தர்மபுரி மாவட்டம் தொப்பூர் கணவாய் வழியாக வந்த போது டிரைவரின் கட்டுப்பாட்டை இழந்த லாரி தாறுமாறாக ஓடி, சாலையின் தடுப்பு சுவரில் மோதியது. இந்த விபத்தில், லாரியில் இருந்த இரும்புகள் சாலையில் விழுந்தன. இந்த விபத்து காரணமாக தர்மபுரி- சேலம் தேசிய நெடுஞ்சாலையில் போக்குவரத்து பாதிக்கப்பட்டது. லாரி டிரைவர் லேசான காயம் அடைந்தார். இந்த விபத்து குறித்து தகவல் அறிந்ததும் தொப்பூர் போலீசார் மற்றும் சுங்கச்சாவடி ரோந்து படையினர் விரைந்து வந்து விபத்துக்குள்ளான லாரி மற்றும் கீழே கிடந்த இரும்புகளை அப்புறப்படுத்தி போக்குவரத்தை சீர்செய்தனர். விபத்து குறித்து தொப்பூர் போலீசார் விசாரணை நடத்தி வருகின்றனர்.