வளைவில் திரும்பும் போது டிராக்டர் கவிழ்ந்தது:சாலையில் குப்பைகள் கொட்டியதால் பரபரப்பு

சேலம்

சேலம் மாநகராட்சி பகுதிகளில் ஒவ்வொரு தெருவிலும் குப்பைகள் தேங்காமல் இருக்க தீவிர நடவடிக்கை எடுத்து வருகிறது. இந்த நிலையில் அழகாபுரம் பகுதியில் குப்பைகள் ஏற்றிக்கொண்டு ஒரு டிராக்டர் சாரதா கல்லூரி சாலையில் இருந்து செட்டிச்சாவடிக்கு சென்று கொண்டிருந்தது. அஸ்தம்பட்டி ரவுண்டானாவில் வளைவில் திரும்பும் போது நிலை தடுமாறி டிராக்டர் கவிழ்ந்தது. இதில் டிராக்டரில் இருந்த குப்பைகள் அனைத்தும் சாலையில் சரிந்தது. இதையொட்டி மாநகராட்சி ஊழியர்கள் அங்கு சென்று சாலையில் கொட்டிக்கிடந்த குப்பைகளை அகற்றினர். இதனால் அஸ்தம்பட்டி ரவுண்டானா அருகே சிறிது நேரம் பரபரப்பு ஏற்பட்டது. மேலும் குப்பைகள் கொட்டியதால் அந்த பகுதியில் துர்நாற்றம் வீசியது. இதனால் அந்த வழியாக சாலையில் சென்ற பொதுமக்களுக்கு சிறிது நேரம் சிரமம் ஏற்பட்டது.