கொலை மிரட்டல் விடுத்தவர் கைது

நெல்லை அருகே கங்கைகொண்டான் அணைத்தலையூர் காலனி தெருவை சேர்ந்தவர் கேகேஷா (வயது 47). இவர் புங்கனூர் மதுக்கடையில் விற்பனையாளராக உள்ளார்.

இவரது கடையில் கங்கைகொண்டான் பெருமாள் சன்னதி கீழத்தெருவை சேர்ந்த இசக்கி (28) என்பவர் மதுபாட்டில் வாங்கிவிட்டு பணம் கொடுக்காமல் சென்றதாக கூறப்படுகிறது. இதனை கேகேஷா தட்டி கேட்டுள்ளார்.

இதனால் ஆத்திரம் அடைந்த இசக்கி, அவரை அவதூறாக பேசி பணி செய்ய விடாமல் தடுத்து கொலை மிரட்டல் விடுத்ததாக கூறப்படுகிறது.

இதுகுறித்த புகாரின் பேரில் கங்கைகொண்டான் போலீசார் வழக்குப்பதிவு செய்து இசக்கியை கைது செய்தனர்.