விபத்தில் காயம் அடைந்தவர் சாவு

பனவடலிசத்திரம்:

பனவடலிசத்திரம் அருகே உள்ள அச்சம்பட்டி ஊராட்சிக்கு உட்பட்ட எஸ்.மடத்துபட்டியைச் சேர்ந்தவர் பாண்டியன் மகன் முருகேசன் (வயது 21). கடந்த ஒரு மாதத்துக்கு முன்பு இவர் மோட்டார் சைக்கிளில் பனவடலிசத்திரம் அருகே சென்றபோது, அந்த வழியாக வந்த கார் எதிர்பாராதவிதமாக ேமாட்டார் சைக்கிள் மீது மோதியது. இதில் அவருக்கு காலில் முறிவு ஏற்பட்டு படுகாயம் அடைந்தார். இதற்கு அவர் வீட்டில் இருந்தபடியே சிகிச்சை பெற்று வந்தார். இந்த நிலையில் சிகிச்சை பலனின்றி முருகேசன் நேற்று பரிதாபமாக உயிரிழந்தார். இதுகுறித்து தேவர்குளம் போலீசார் வழக்குப்பதிவு செய்து விசாரணை நடத்தி வருகின்றனர்.