தந்தை-மகனை வெட்டிய வாலிபர் கைது

பணகுடி:

பணகுடி அண்ணாநகரை சேர்ந்தவர் மணிகண்டன் (வயது 29). இவருக்கும் அதே பகுதியைச் சேர்ந்த மூர்த்தி (27) என்பவருக்கும் முன்விரோதம் இருந்து வந்தது. கடந்த சில நாட்களுக்கு முன்பு மணிகண்டன் வீட்டில் சாப்பிட்டுக் கொண்டிருந்தார். அப்போது அங்கு வந்த மூர்த்தி, மணிகண்டனிடம் தகராறு செய்து அரிவாளால் வெட்டினார். அப்போது, அங்கு நின்ற மணிகண்டனின் தந்தை மனோகர் தடுக்க வந்ததால் அவரையும் அரிவாளால் வெட்டியதாக கூறப்படுகிறது. இதில் 2 பேரும் காயம் அடைந்தனர்.

இதுகுறித்து பணகுடி போலீசார் வழக்குப்பதிவு செய்து மூர்த்தியை தேடி வந்தனர். நேற்று தனது உறவினர் வீட்டில் பதுங்கி இருந்த மூர்த்தியை போலீசார் கைது செய்து, பாளையங்கோட்டை மத்திய சிறையில் அடைத்தனர்.