கார் மோதி டீக்கடைக்காரர் சாவு

சங்கரன்கோவில்,:

சங்கரன்கோவில் அருகே உள்ள பெரியூர் கிராமத்தைச் சேர்ந்தவர் கோமதிநாயகம் (வயது 54). இவர் அந்த பகுதியில் டீக்கடை நடத்தி வந்தார்.

இந்த நிலையில் நேற்று முன்தினம் இரவு கோமதி நாயகம் மோட்டார் சைக்கிளில் பொருட்கள் வாங்குவதற்காக சங்கரன்கோவிலுக்கு வந்து கொண்டிருந்தார். கண்டிகைப்பேரி அருகே வரும்போது எதிரே வந்த கார் கோமதிநாயகம் மீது மோதியது. இதில் சம்பவ இடத்திலேயே அவர் பரிதாபமாக இறந்தார். இதுகுறித்து தகவல் அறிந்த கரிவலம்வந்தநல்லூர் போலீசார் சம்பவ இடத்திற்கு விரைந்து சென்று கோமதி நாயகம் உடலை கைப்பற்றி பிரேத பரிசோதனைக்காக சங்கரன்கோவில் அரசு ஆஸ்பத்திரிக்கு அனுப்பி வைத்து விசாரணை நடத்தி வருகிறார்கள்.