பிளஸ்-2 தேர்வில் சுரண்டை பள்ளி மாணவர்கள் சாதனை

சுரண்டை:

சுரண்டை ஸ்ரீஜெயேந்திரா மெட்ரிக் மேல்நிலைப்பள்ளியில் பிளஸ்-2 தேர்வு எழுதிய மாணவர்கள் அனைவரும் தேர்ச்சி பெற்றனர். இதில் மாணவி ஆர்.கன்னிகா 600-க்கு 566 மதிப்பெண்கள் பெற்று பள்ளியில் முதல் இடத்தையும், கே.விஜயலட்சுமி 560 மதிப்பெண்கள் பெற்று இரண்டாம் இடத்தையும், கே.லதிபா 554 மதிப்பெண்கள் பெற்று மூன்றாம் இடத்தையும் பிடித்தனர். கணினி அறிவியலில் ஐ.நந்தினி 100 மதிப்பெண்கள் பெற்றுள்ளார். தோ்வில் சாதனை படைத்த மாணவ-மாணவிகளை தாளாளர் டாக்டர் விஜயன் அருணகிரி, முதல்வர் மற்றும் ஆசிரியர்கள் பாராட்டினர்.