தூக்குப்போட்டு டிரைவர் தற்கொலை

பட்டுக்கோட்டையில் தூக்குப் போட்டு டிரைவர் தற்கொலை செய்து கொண்டார்.

டிரைவர்

தஞ்சை மாவட்டம் பட்டுக்கோட்டை ஆர்.வி.நகர் என்.ஜி.ஓ. காலனியில் வசித்து வந்தவர் உதயகுமார் (வயது34). கார் டிரைவர். உதயகுமாரும் பேராவூரணி தாலுகா செங்கமங்கலம் கிராமத்தை சேர்ந்த நிவேதாவும் காதலித்து திருமணம் செய்து கொண்டனர்.

கணவன்-மனைவி இருவருக்கும் இடையே குடும்ப பிரச்சினை காரணமாக அடிக்கடி சண்டை ஏற்பட்டு வந்தது. இந்த நிலையில் நேற்று முன்தினம் உதயகுமார் தன்னுடைய வீட்டின் படுக்கை அறையில் கதவை சாத்திக் கொண்டு மின்விசிறியில் தூக்குப்போட்டு தற்கொலை செய்து கொண்டார்.

போலீசார் விசாரணை

இது குறித்து தகவல் அறிந்த போலீசார் விரைந்து சென்று உதயகுமாரின் உடலை கைப்பற்றி பட்டுக்கோட்டை அரசு ஆஸ்பத்திரிக்கு பிரேத பரிசோதனைக்காக அனுப்பி வைத்தனர்.

இதுதொடர்பாக நிவேதா பட்டுக்கோட்டை நகர போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.