தொழிலாளி உள்பட 2 பேர் தற்கொலை

ஓசூர்:

ஓசூர் பகுதியில் வெவ்வேறு இடங்களில் 2 பேர் தற்கொலை செய்து கொண்டனர்.

கேட்டரிங் சென்டர் உரிமையாளர்

ஓசூர் ஈஸ்வர் நகரை சேர்ந்தவர் ஆனந்த் (வயது26). கேட்டரிங் சென்டர் உரிமையாளர். இவருக்கு மது குடிக்கும் பழக்கம் இருந்தது. இதை குடும்பத்தினர் கண்டித்தனர். இதனால், மனமுடைந்து காணப்பட்ட ஆனந்த் விஷம் குடித்து விட்டு மயங்கி கிடந்தார்.

இதை கண்டு அதிர்ச்சி அடைந்த குடும்பத்தினர் மற்றும் உறவினர்கள் அவரை மீட்டு ஓசூரில் உள்ள தனியார் மருத்துவமனையில் சேர்த்தனர். அங்கு சிகிச்சை பலனின்றி ஆனந்த் பரிதாபமாக இறந்தார். இதுகுறித்து ஓசூர் அட்கோ போலீசார் வழக்குப்பதிவு செய்து விசாரணை நடத்தி வருகின்றனர்.

கட்டிட தொழிலாளி

சூளகிரி அருகே உள்ள ஆருப்பள்ளியை சேர்ந்தவர் சிவலிங்கம் (25). கட்டிட தொழிலாளி. உடல் நலக்குறைவால் அவதிப்பட்ட அவர், இதற்காக சிகிச்சை பெற்றும் குணமடையவில்லை. இதனால் மனமுடைந்த அவர் விஷம் குடித்து விட்டு மயங்கி கிடந்தார். அவரை உறவினர்கள் மீட்டு சூளகிரி அரசு ஆஸ்பத்திரியில் சேர்த்தனர். அங்கு சிகிச்சை பலனின்றி சிவலிங்கம் பரிதாபமாக இறந்தார். இதுகுறித்து சூளகிரி போலீசார் வழக்குப்பதிவு செய்து விசாரணை நடத்தி வருகிறார்கள்.