பஸ் மோதி கல்லூரி மாணவர் பலி

திருப்புவனம், 

திருப்பாச்சேத்தி அருகே உள்ள மீனாட்சிபுரம் கிராமத்தை சேர்ந்தவர் யோகேஸ்வரன் (வயது 21). இவர் பொட்டப்பாளையத்தில் உள்ள தனியார் பொறியியல் கல்லூரியில் 4-ம் ஆண்டு படித்து வந்தார். இவர் தனது நண்பரான மானாமதுரை அருகே உள்ள ராஜகம்பீரத்தை சேர்ந்த அஸ்லாம் ஜாவித் (21) என்பவருடன் மோட்டார்சைக்கிளில் சென்றார். திருப்புவனம் அடுத்த தட்டான்குளம் அருகே சென்றபோது பின்னால் வந்த தனியார் பஸ் மோட்டார்சைக்கிள் மீது மோதியது. இதில் அவர்கள் இருவரும் பலத்த காயம் அடைந்தனர். அவர்கள் மதுரையில் உள்ள ஒரு தனியார் மருத்துவமனையில் சேர்க்கப்பட்டனர். அங்கு சிகிச்சை பலனின்றி யோகேஸ்வரன் இறந்தார். இந்த விபத்து குறித்து திருப்புவனம் போலீஸ் சிறப்பு சப்-இன்ஸ்பெக்டர் சந்தனராஜ், தனியார் பஸ் டிரைவர் ராஜேந்திரன் மீது வழக்குப்பதிவு செய்து விசாரணை நடத்தி வருகிறார்.