முருகன் கோவில்களில் சிறப்பு வழிபாடு

சிக்கல்:

ஆவணி மாத கார்த்திகையையொட்டி முருகன் கோவில்களில் சிறப்பு வழிபாடு நடந்தது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

சிக்கல் சிங்காரவேலர் கோவில்

நாகை அருகே சிக்கல் சிங்காரவேலர் கோவிலில் ஆவணி மாத கார்த்திகையையொட்டி சிறப்பு வழிபாடு நடந்தது. முன்னதாக சிங்காரவேலருக்கு, பால், தயிர், சந்தனம், விபூதி, பஞ்சாமிர்தம், பன்னீர் உள்ளிட்டவைகளால் அபிஷேக, ஆராதனை செய்யப்பட்டு மலர்களால் அலங்கரித்து மகா தீபாராதனை காண்பிக்கப்பட்டது. இதில் திரளான பக்தர்கள் கலந்து கொண்டு சாமி தரிசனம் செய்தனர்.

சிறப்பு வழிபாடு

வேதாரண்யம் வேதாரண்யேஸ்வரர் கோவிலில் ஆறுமுகக் கடவுளுக்கும், வெளிபிரகாரத்தில் உள்ள மேலக்குமரருக்கும் ஆவணி மாத கார்த்திகையையொட்டி சிறப்பு வழிபாடு நடந்தது. பின்னர் சாமிகளுக்கு அபிஷேக, ஆராதனை, அலங்காரம் செய்யப்பட்டு தீபாராதனை காண்பிக்கப்பட்டது.

இதேபோல் கோடியக்காடு அமிர்தகடேஸ்வரர் கோவிலில் உள்ள அமிர்தகர சுப்பிரமணியா்,தோப்புத்துறை கைலாசநாதர்கோவில், ஆறுகாட்டுத்துறை கற்பகவிநாயகர் கோவில், வேதாரண்யம் நாட்டுமடம் மாரியம்மன் கோவில், மறைஞாயநல்லூர் மேலமறைக்காடர் கோவில் உள்ளிட்ட முருகன் கோவில்களில் சிறப்பு வழிபாடு நடந்தது.