அம்மன் கோவில்களில் சிறப்பு பூஜை

வேலாயுதம்பாளையத்தில் உள்ள மகாமாரி அம்மன் கோவிலில் மாசி மாத முதல்நாளை முன்னிட்டு அம்மனுக்கு பால், தயிர், இளநீர், சந்தனம் உள்பட பல்வேறு வாசனை திரவியங்களால் அபிஷேகம் நடந்தது. தொடர்ந்து மலர்களால் அலங்காரம் செய்யப்பட்டு சிறப்பு தீபாராதனை நடந்தது. இதேபோல், நாணப்பரப்பு, தோட்டக்குறிச்சி, தளவாபாளையம், கடம்பங்குறிச்சி, மண்மங்கலம் உள்பட பல்வேறு பகுதிகளில் உள்ள அம்மன் கோவில்களிலும் சிறப்பு அபிஷேகம் நடந்தது. இதில் திரளான பக்தர்கள் கலந்து கொண்டனர்.