சிவகாசி,
சிவகாசி யூனியனின் சாதாரண கூட்டம் நேற்று நடைபெற்றது. கூட்டத்திற்கு யூனியன் தலைவர் முத்துலட்சுமி தலைமை தாங்கினார். துணைத்தலைவர் விவேகன்ராஜ் முன்னிலை வகித்தார். வட்டார வளர்ச்சி அலுவலர் ராமமூர்த்தி வரவேற்றார். கூட்டத்தில் சிவகாசி யூனியனுக்கு உட்பட்ட சொக்கம்பட்டி, நெடுங்குளம், தச்சக்குடி, ஆனையூர், குமிழங்குளம், செவளூர், எரிச்சநத்தம், வெள்ளூர், வி.சொக்கலிங்காபுரம், செங்கமலப்பட்டி, வாடியூர், காரிச்சேரி, கிச்சநாயக்கன்பட்டி, பெரியபொட்டல்பட்டி, எம்.புதுப்பட்டி, மங்கலம், கவுண்டம்பட்டி, தேவர்குளம், மேலாமத்தூர், அனுப்பன்குளம் ஆகிய பகுதியில் ரூ.70 லட்சம் செலவில் 38 வளர்ச்சி பணிகளை செய்ய தீர்மானம் நிறைவேற்றப்பட்டது. முன்னதாக நேற்று முன்தினம் இரவு இறந்த சிவகாசி யூனியன் 2-வது வார்டு கவுன்சிலர் கதிரேசனுக்கு 2 நிமிடம் மவுன அஞ்சலி செலுத்தப்பட்டது.