பள்ளி மாணவர்கள் சாதனை

ஆலங்குளம்:

ஆலங்குளம் அருகே இடைகாலில் உள்ள ஸ்டஅக் ஹை-டெக் பள்ளியில் 12-ம் வகுப்பு சி.பி.எஸ்.இ. தேர்வு எழுதிய அனைத்து மாணவர்களும் தேர்ச்சி பெற்றனர். மாணவி சம்ரித்தா பள்ளியில் முதலிடம் பிடித்தார். இதேபோல் 10-ம் வகுப்பு தேர்விலும் அனைத்து மாணவர்களும் தேர்ச்சி பெற்றனர். இது 100 சதவீதம் தேர்ச்சி ஆகும். மாணவி லிபினா அருள் மற்றும் யாபியா ஜோஸ் தமிழ் மற்றும் தகவல் தொழில்நுட்பம் பாடங்களில் 100-க்கு 100 மதிப்பெண்களையும், தனுபிரபா, ஜெசிந்த் ஹெப்சிபா மற்றும் ஸ்வீட்லின் அனி ஆகியோர் தகவல் தொழில்நுட்பம் பாடத்தில் 100-க்கு 100 மதிப்பெண்கள் பெற்று பள்ளிக்கு பெருமை சேர்த்துள்ளனர். சாதனை படைத்த மாணவர்களையும், கற்று கொடுத்த ஆசிரியர்களையும் பள்ளி தலைவர் முருகன், தாளாளர் புனிதா செல்வி மற்றும் முதல்வர் பிரவின்குமார் ஆகியோர் பாராட்டினர்.