பள்ளி மாணவிகள் சாதனை

கடையம்:

தென்காசி மாவட்ட பள்ளிகளுக்கு இடையேயான குறுவட்ட அளவிலான விளையாட்டு போட்டிகள் பாவூர்சத்திரம் அரசு ஆண்கள் மேல்நிலைப்பள்ளியில் நடந்தது. 19 வயதுக்கு உள்பட்டவர்களுக்கான எறிபந்து போட்டியில் மொத்தம் ஒன்பது பள்ளிகள் கலந்து கொண்டன. இதில் ஆழ்வார்குறிச்சி குட்ஷெப்பேடு மெட்ரிக் மேல்நிலைப்பள்ளி மாணவிகள் வெற்றி பெற்று சாதனை படைத்தனர். குறுவட்ட அளவிலான எறிபந்து போட்டியில் முதல் இடத்தை பெற்றதோடு தென்காசி மாவட்ட அளவிலான எறிபந்து போட்டிக்கு தகுதி பெற்றனர். சாதனை படைத்த மாணவிகளை பள்ளி தாளாளர் அந்தோணிபாபு, பள்ளி முதல்வர் ஜோஸ்பின் விமலா, தலைமை ஆசிரியர் நாகூர் மீராள் மற்றும் உடற்பயிற்சி ஆசிரியர்கள் பேச்சிமுத்து, விஷ்ணு பிரியா, ஆசிரியர்கள் பாராட்டினார்கள்.