மணல் கடத்தல்; 2 பேர் கைது

நாகூர்:

நாகூர் - திட்டச்சேரி சாலையில் நாகூர் போலீஸ் இன்ஸ்பெக்டர் சிவராமன் மற்றும் போலீசார் ரோந்துபணியில் ஈடுபட்டு கொண்டிருந்தனர். அப்போது அந்த வழியாக வந்த சரக்கு ஆட்டோவை நிறுத்தி சோதனை செய்தனர். அதில் மணல் இருந்தது தெரியவந்தது. இதை தொடர்ந்து சரக்கு ஆட்டோ டிரைவரிடம் விசாரணை நடத்தினர். இதில் அவர் காரைக்கால் மாவட்டம் திருப்பட்டினம் ஆற்றங்கரை தெருவை சேர்ந்த ஜெயபால் (56) என்பதும், இவர் சரக்கு ஆட்டோவில் மணலை கடத்தி சென்றதும் தெரிய வந்தது. இதுகுறித்து நாகூர் போலீசார் வழக்கு பதிவு செய்து ஜெயபால் மற்றும் சரக்கு ஆட்டோ உரிமையாளர் கணேசன் ஆகிய 2 பேரையும் கைது செய்தனர். மேலும் அவர்களிடம் இருந்து சரக்கு ஆட்டோவை பறிமுதல் செய்தனர்.