10 கிலோ ஆடு ரூ.6 ஆயிரத்துக்கு விற்பனை

மூலனூர்

தமிழகத்தில் நடைபெறும் ஆட்டுச் சந்தைகளில் முக்கிய ஆட்டுச் சந்தைகளில் ஒன்று கன்னிவாடி ஆட்டுச் சந்தை. இந்த சந்தை வாரந்தோறும் வெள்ளிக்கிழமை நடைபெற்று வருகிறது.

இந்த சந்தைக்கு கன்னிவாடி, மூலனூர், வெள்ளகோவில், பரமத்தி மற்றும் அதனை சுற்றியுள்ள கிராமங்களை சேர்ந்த விவசாயிகள் ஆடுகளை விற்பனைக்காக கொண்டு வருகின்றனர். இவற்றை வாங்க கோவை, பொள்ளாச்சி, உடுமலை வியாபாரிகள் வருகிறார்கள்.

சந்தையில் நேற்று ஆடுகளின் விலை சற்று குறைவாகவே இருந்தது. கடந்த வாரத்தில் 10 கிலோ ரூ.7500-க்கு விற்பனை செய்யப்பட்டது. இந்த வாரம் 10 கிலோ எடை கொண்ட ஒரு ஆட்டின் விலை ரூ.6ஆயிரத்துக்கு விற்பனை செய்யப்பட்டது. இந்த வாரம் 6 ஆயிரம் ஆடுகள் மட்டுமே விற்பனைக்கு வந்திருந்தன.

-------------------