போட்டிகளில் வெற்றி பெற்ற மாணவர்களுக்கு பரிசு

முக்கூடல்:

முக்கூடல் குமாரசாமிபுரம் தெரு சார்பில் பள்ளி மாணவ-மாணவிகளுக்கான கட்டுரைப் போட்டி, பேச்சு போட்டி, ஓவியப்போட்டி உள்பட பல்வேறு போட்டிகள் நடத்தப்பட்டது. இதில் வெற்றி பெற்றவர்களுக்கும், 1-ம் வகுப்பு முதல் 12-ம் வகுப்பு வரை கடந்த ஆண்டு தேர்வில் அதிக மதிப்பெண்கள் பெற்றவர்களுக்கும் பரிசுகள் வழங்கப்பட்டது. மேலும் மாணவர்களுக்கு இலவச சீருடைகளும் வழங்கப்பட்டது. நிகழ்ச்சியில் முக்கூடல் இந்து நாடார் சமுதாய தலைவர் பொன்னரசு, பேரூராட்சி தலைவர் ராதா, துணைத் தலைவர் லட்சுமணன், முருகேசன், லட்சுமி நாராயணன், காசி, அண்ணாதுரை உள்பட பலர் கலந்து கொண்டனர். இதற்கான ஏற்பாடுகளை முக்கூடல் வடக்கு குமாரசாமியாபுரம் நாடார் உறவின்முறை கிளை சங்க நிர்வாகிகள் செய்திருந்தனர்.