நெல்லை ரெயில் நிலையத்தில் போலீசார் தீவிர சோதனை

மங்களூரு குண்டு வெடிப்பு சம்பவத்தை தொடர்ந்து நெல்லை ரெயில் நிலையத்தில் போலீசார் நேற்று தீவிர சோதனை நடத்தினர்.

குண்டுவெடிப்பு சம்பவம்

கர்நாடக மாநிலம் மங்களூருவில் குக்கர் குண்டு வெடிப்பு சம்பவம் நடந்துள்ளது. இதையொட்டி நாடு முழுவதும் போலீசார் உஷார் படுத்தப்பட்டு உள்ளனர்.

இந்த நிலையில் நெல்லை சந்திப்பு ரெயில் நிலையத்தில் நேற்று ரெயில்வே போலீசார் மற்றும் ரெயில்வே பாதுகாப்பு படையினர் அதிரடி சோதனையில் ஈடுபட்டனர்.

தீவிர சோதனை

மோப்ப நாய் மற்றும் மெட்டல் டிடெக்டர் கருவி உதவியுடன் பயணிகளின் உடமைகளை போலீசார் சோதனை செய்தனர். சந்திப்பு ரெயில் நிலையத்துக்கு வந்த அனைத்து பயணிகளின் பொருட்களையும் தீவிர சோதனை செய்த பிறகே உள்ளே அனுமதித்தனர்.

மேலும் நெல்லையில் இருந்து சென்னைக்கு புறப்பட்ட நெல்லை எக்ஸ்பிரஸ் மற்றும் நெல்லை வழியாக சென்ற அனைத்து ரெயில்களிலும் சோதனை, கண்காணிப்பு பணியில் ஈடுபட்டனர்.