ஆடு திருட முயன்றவர்களை மடக்கி பிடித்து தர்மஅடி கொடுத்த பொதுமக்கள்

மேலப்பாளையம் குறிச்சி மருதுபாண்டியன் தெருவை சேர்ந்தவர் முருகன். இவர் ஆடுகள் வளர்த்து வருகிறார். சம்பவத்தன்று இவர் குறிச்சி வாய்க்கால் பாலம் அருகே ஆடுகளை மேய்ச்சலுக்கு ஓட்டிச் சென்றார். அப்போது அங்கு மோட்டார் சைக்கிளில் வந்த 2 வாலிபர்கள் ஆட்டை திருடி செல்ல முயன்றனர். இதனை பார்த்த அங்கிருந்த பொதுமக்கள் 2 வாலிபர்களையும் மடக்கி பிடித்து தர்மஅடி கொடுத்தனர். பின்னர் மேலப்பாளையம் போலீசாருக்கு தகவல் கொடுக்கப்பட்டது. போலீசார் சம்பவ இடத்துக்கு வந்து 2 பேரையும் விசாரணை நடத்தினர். அதில் அவர்கள் அதே பகுதியை சேர்ந்த சுந்தர் (வயது 20), சங்கர் (21) என்பது தெரிய வந்தது. இதனையடுத்து அவர்களை போலீசார் கைது செய்தனர். மேலும் பொதுமக்கள் தாக்கியதில் அவர்களுக்கு காயம் ஏற்பட்டதால் பாளையங்கோட்டை ஐகிரவுண்டு அரசு ஆஸ்பத்திரியில் சிகிச்சைக்காக சேர்க்கப்பட்டனர். அவர்களுக்கு அங்கு சிகிச்சை அளிக்கப்பட்டு வருகிறது.