அங்கன்வாடி மையம் திறப்பு

ஆலங்குளம்:

ஆலங்குளம் ஊராட்சி ஒன்றியத்திற்கு உட்பட்ட குத்தப்பாஞ்சான் ஊராட்சி ஆழ்வான் துலுக்கப்பட்டி கிராமத்தில் மகாத்மா காந்தி தேசிய ஊரக வேலை உறுதி திட்டத்தின் கீழ் ரூ.10.19 லட்சம் மதிப்பீட்டில் கட்டப்பட்டுள்ள அங்கன்வாடி கட்டிடம் மற்றும் அனைத்து கிராம அண்ணா மறுமலர்ச்சி திட்டத்தின் கீழ் ரூ.8.67 லட்சம் மதிப்பீட்டில் கட்டப்பட்டுள்ள ரேஷன் கடை திறப்பு விழா நடைபெற்றது.

குத்தப்பாஞ்சான் பஞ்சாயத்து தலைவர் ஜெயராணி குமார் தலைமை தாங்கினார். வட்டார வளர்ச்சி அலுவலர் திலகராஜ் முன்னிலை வகித்தார். ரேஷன் கடையை தென்காசி தெற்கு மாவட்ட தி.மு.க. செயலாளர் சிவபத்மநாதன், புதிய அங்கன்வாடி கட்டிடத்தை ஆலங்குளம் யூனியன் தலைவர் திவ்யா மணிகண்டன் ஆகியோர் திறந்து வைத்து குத்துவிளக்கு ஏற்றினார்கள். விழாவில் தென்காசி மாவட்ட பொது வினியோக திட்ட சார்பதிவாளர் கோபிநாத், அங்கன்வாடி குழந்தைகள் திட்ட வளர்ச்சி அலுவலர் மங்களநாயகி உள்பட பலர் கலந்து கொண்டனர்.