பள்ளிக்கு மாணவர்கள் செல்ல பொதுப்பாதை திறப்பு

செங்கோட்டை:

செங்கோட்டை கச்சேரி காம்பவுண்ட் அரசு நடுநிலைப்பள்ளியில் 21, 22, 23, 24 ஆகிய வார்டு பகுதிகளை சேர்ந்த எல்.கே.ஜி. முதல் 8-ம் வகுப்பு வரை சுமார் 500-க்கும் மேற்பட்ட மாணவ-மாணவிகள் கல்வி பயின்று வருகின்றனா். இப்பள்ளிக்கு செல்வதற்கு போக்குவரத்து நெருக்கடி மிகுந்த சுமார் அரைகிலோமீட்டா் தூரம் மெயின்ரோடு வழியாக சென்று வந்தனர். மேலும் இப்பள்ளிக்கு செல்லும் மாணவர்களின் பயண தூரத்தை குறைத்திடும் வகையில் பாதுகாப்பாக பள்ளிக்கு செல்லும் வகையில் எஸ்.ஆர்.கே.க. தெருவிலிருந்து குறுக்கு வழியில் சீக்கிரமாகவும் பாதுகாப்பாகவும் பள்ளிக்கு சென்றடையும் வகையில் பொதுபாதை திறப்பு விழா நிகழ்ச்சி நடந்தது.

நகர்மன்ற துணைத்தலைவா் நவநீதகிருஷ்ணன் தலைமை தாங்கி, பொதுப்பாதையை திறந்து வைத்தார். இதில். 21-வது வார்டு உறுப்பினா் சுகந்திமாடசாமி, முன்னாள் நகர்மன்ற உறுப்பினா் தங்கவேலு, பள்ளி தலைமை ஆசிரியா் பீட்டா்ஜூடுதத்தோஸ் உள்பட பலர் கலந்து கொண்டனர்.