மோட்டார் சைக்கிள் மீது கார் மோதியதில் ஒருவர் பலி

விராலிமலை:

ஈரோடு மாவட்டம், வீரப்பன் சத்திரத்தை சேர்ந்தவர் பாஸ்கரன் (வயது 58). இவர் விராலிமலை அருகே வாடியான்களத்தில் உள்ள ஓட்டலில் வேலை பார்த்து வந்தார். இவர், நேற்று கொடும்பாளூர் சத்திரத்தில் உள்ள தனது நண்பர் பழனியப்பன் (55) என்பவருடன் மோட்டார் சைக்கிளில் விராலிமலைக்கு சென்றுள்ளார். அவர்கள் இருவரும் மதுரை- திருச்சி தேசிய நெடுஞ்சாலையில் இடையப்பட்டி பிரிவு சாலை அருகே சென்றபோது பின்னால் மதுரையிலிருந்து திருச்சி நோக்கி சென்ற கார் எதிர்பாராதவிதமாக மோட்டார் சைக்கிள் மீது மோதியது. இதில் பாஸ்கரன், பழனியப்பன் ஆகிய இருவரும் படுகாயமடைந்தனர். இதுகுறித்து தகவலறிந்த விராலிமலை போலீசார் சம்பவ இடத்திற்கு விரைந்து வந்து படுகாயமடைந்த இருவரையும் மீட்டு சிகிச்சைக்காக மணப்பாறை அரசு மற்றும் தனியார் மருத்துவமனைக்கு அனுப்பி வைத்தனர். இந்நிலையில், அரசு மருத்துவமனையில் சிகிச்சை பெற்று வந்த பாஸ்கரன் சிகிச்சை பலனின்றி இறந்தார். இதுகுறித்து விராலிமலை போலீசார் கார் டிரைவரான சென்னை மவுலிவாக்கத்தை சேர்ந்த பாலச்சந்திரன் (50) என்பவர் மீது வழக்குப்பதிவு செய்து விசாரணை நடத்தி வருகின்றனர்.