விபத்தில் காயம் அடைந்த மூதாட்டி சாவு

நாங்குநேரி:

நாங்குநேரி பஸ் நிலையத்தில் கடந்த 8-ந் தேதி அரசு பஸ் மோதியதில் சுமார் 75 வயதுள்ள மூதாட்டி காயம் அடைந்தார். அவர் அரசு ஆஸ்பத்திரியில் சிகிச்சை பெற்று வந்தார். இந்த நிலையில் அந்த மூதாட்டி சிகிச்சை பலனின்றி பரிதாபமாக இறந்தார்.

இதுபற்றி நாங்குநேரி போலீசார் விசாரணை நடத்தி வந்தனர். அப்போது, இறந்தவர் பெயர் சுப்பம்மாள் என்பது தெரியவந்தது. அவரை பற்றி வேறு எந்த தகவலும் கிடைக்கவில்லை. இதையடுத்து கிராம நிர்வாக அதிகாரி முன்னிலையில் சுப்பம்மாளை உடலை போலீசார் நேற்று அடக்கம் செய்தனர்.