சங்கரன்கோவிலில் இருந்து சுரண்டைக்கு குலசேகரமங்கலம், ரெங்கநாதபுரம் வழியாக புதிய பஸ் சேவை

சங்கரன்கோவில்:

சங்கரன்கோவிலில் இருந்து சுரண்டைக்கு குலசேகரமங்கலம், ரெங்கநாதபுரம், துரைச்சாமிபுரம் ஆகிய கிராமங்கள் வழியாக பஸ் இயக்க வேண்டும் என்று பொதுமக்கள் நீண்ட நாட்களாக கோரிக்கை விடுத்து வந்தனர். அதை ஏற்று அந்த வழித்தடத்தில் பஸ் இயக்க நடவடிக்கை எடுக்கப்படும் என்று ராஜா எம்.எல்.ஏ. தெரிவித்தார்.

தற்போது சங்கரன்கோவிலில் இருந்து சுரண்டைக்கு குலசேகரமங்கலம், ரெங்கநாதபுரம் உள்ளிட்ட கிராமங்கள் வழியாக புதிய பஸ் (36 'டி') இயக்கப்படுகிறது. இந்த பஸ் இயக்கத்தை வடக்கு மாவட்ட தி.மு.க. செயலாளர் ராஜா எம்.எல்.ஏ. தொடங்கி வைத்தார். நிகழ்ச்சியில் சங்கரன்கோவில் போக்குவரத்து பணிமனை மேலாளர் குமார், ஒன்றிய செயலாளர்கள் ராமச்சந்திரன், பெரியதுரை, ஒன்றிய கவுன்சிலர் முத்துமாரிவினோ, வினுசக்கரவர்த்தி, ஊராட்சி மன்ற தலைவர் வெள்ளத்துரை, தகவல் தொழில்நுட்ப அணி அமைப்பாளர் அருள்ராஜ் மற்றும் பலர் கலந்து கொண்டனர்.