வருசநாடு அருகேசெந்நாய்கள் கடித்து மான் சாவு

 வருசநாடு அருகே உள்ள காமன்கல்லூர் கிராமத்தை சேர்ந்தவர் அய்யனார். இவருக்கு அதே பகுதியில் தோட்டம் உள்ளது. நேற்று காலை வழக்கம் போல் இவர், தோட்டத்துக்கு சென்றார். அப்போது சுமார் 2 வயது புள்ளிமான் உடலில் ரத்த காயங்களுடன் இறந்து கிடந்தது. இதுகுறித்து அய்யனார் கண்டமனூர் வனத்துறையினருக்கு தகவல் தெரிவித்தார். அதன்பேரில் வனத்துறையினர் சம்பவ இடத்திற்கு விரைந்து வந்தனர். பின்னர் புள்ளிமான் உடலை மீட்டு கால்நடை மருத்துவ குழுவினர் மூலம் பரிசோதனை செய்தனர். புள்ளிமானின் உடலில் ரத்த காயங்கள் இருந்தன. செந்நாய்கள் கடித்ததில் காயமடைந்து, அதிக அளவில் ரத்தம் வெளியேறியதால் புள்ளிமான் இறந்திருக்கலாம் என்று கால்நடை மருத்துவ குழுவினர் தெரிவித்தனர். இதையடுத்து புள்ளிமான் உடல் புதைக்கப்பட்டது.