மோட்டார் சைக்கிள் திருடியவர் சிக்கினார்

முக்கூடல்:

வடக்கு அரியநாயகிபுரத்தை சேர்ந்தவர் முருகன் (வயது 51). இவர் முக்கூடல் டாஸ்மாக் கடையில் காவலாளியாக வேலை பார்த்து வருகிறார். கடந்த மாதம் 20-ந்தேதி முருகன் மோட்டார் சைக்கிளில் வேலைக்கு வந்தார். வேலை முடிந்து பார்த்தபோது மோட்டார் சைக்கிளை காணவில்லை. யாரோ மர்மநபர்கள் அவரது மோட்டார் சைக்கிளை திருடிச் சென்றது தெரியவந்தது.

இதுகுறித்து முருகன், முக்கூடல் போலீஸ் நிலையத்தில் புகார் அளித்தார். அதன்பேரில் சப்-இன்ஸ்பெக்டர் ஆக்னல் விஜய் வழக்குப்பதிவு செய்து விசாரணை நடத்தினார். விசாரணையில், தென்திருப்புவனத்தை சேர்ந்த தங்கவேல் (30) என்பவர் முருகனின் மோட்டார் சைக்கிளை திருடிச் சென்றது தெரியவந்தது. இதையடுத்து அவரை போலீசார் நேற்று கைது செய்து, அவரிடம் இருந்து மோட்டார் சைக்கிளையும் மீட்டனர்.