மோட்டார் சைக்கிளில் இருந்து தவறி விழுந்து தொழிலாளி பலி

ஒரத்தநாடு;

ஒரத்தநாட்டை அடுத்துள்ள பொன்னாப்பூர் கிழக்கு கிராமத்தைச் சேர்ந்தவர் ராஜகோபால். இவருடைய மகன் கண்ணதாசன்(வயது38). இவரும் பொன்னாப்பூர் மேற்கு கிராமத்தைச் சேர்ந்த சதீஷ் (வயது 35) என்பவரும் சம்பவத்தன்று மதியம் மோட்டார் சைக்கிளில் ஒரத்தநாடு - திருவோணம் சாலையில் சென்று கொண்டிருந்தனர்.மோட்டார் சைக்கிளை சதீஷ் ஓட்டினார். கண்ணதாசன் பின்னால் உட்கார்ந்து இருந்தார். பின்னையூர் பிரிவு சாலை அருகே இவர்கள் சென்று கொண்டிருந்தபோது எதிர்பாராத விதமாக மோட்டார் சைக்கிளில் இருந்து தவறி கீழே விழுந்தனர். இதில் படுகாயம் அடைந்த கண்ணதாசன் மற்றும் சதீஷ் ஆகிய இருவரையும் அக்கம்பக்கத்தினர் மீட்டு தஞ்சை அரசு மருத்துவக்கல்லூரி ஆஸ்பத்திரியில் சிகிச்சைக்காக சேர்த்தனர்.அங்கு சிகிச்சை பெற்று வந்த கண்ணதாசன் சிகிச்சை பலனின்றி பரிதாபமாக இருந்தார். சதீஷ் சிகிச்சை பெற்று வருகிறார். இதுகுறித்து ஒரத்தநாடு போலீசார் வழக்குப்பதிவு செய்து விசாரணை நடத்தி வருகின்றனர்.