பெரியார் உருவச்சிலைக்கு அமைச்சர் கீதாஜீவன் மரியாதை

தூத்துக்குடியில் பெரியார் உருவச்சிலைக்கு அமைச்சர் கீதாஜீவன் மாலை அணிவித்து மரியாதை செலுத்தினார்.

பெரியார் நினைவு தினம்

தூத்துக்குடியில் பெரியாரின் நினைவு தினம் நேற்று அனுசரிக்கப்பட்டது. நிகழ்ச்சியை முன்னிட்டு அவரது உருவ சிலைக்கு பல்வேறு அரசியல் கட்சியினர் மாலை அணிவித்து மரியாதை செலுத்தினர். அதுபோல் வடக்கு மாவட்ட தி.மு.க. சார்பில் தென்பாகம் போலீஸ் நிலையம் அருகில் உள்ள பெரியார் சிலைக்கு வடக்கு மாவட்ட தி.மு.க. பொறுப்பாளரும், சமூக நலன் மற்றும் பெண்கள் உரிமைத்துறை அமைச்சருமான கீதாஜீவன் தலைமையில் தி.மு.க. கட்சியினர் மாலை அணிவித்து மரியாதை செய்தனர்.

நிகழ்ச்சியில் மாநகராட்சி மேயர் என்.பி.ஜெகன், மாநகர செயலாளர் ஆனந்தசேகரன், துணை மேயர் ஜெனிட்டா உள்பட பலர் கலந்து கொண்டனர்.

ஊட்டச்சத்து பெட்டகம்

கயத்தாறு யூனியன் அலுவலகத்தில் கயத்தாறு வட்டார கர்ப்பிணி பெண்கள் 100 பேருக்கு அமைச்சர் கீதாஜீவன் ஊட்டச்சத்து பெட்டகத்தை வழங்கினார். மகளிர் திட்ட அலுவலர் வீரபுத்திரன், கயத்தாறு தாசில்தார் சுப்புலட்சுமி, கயத்தாறு வட்டார வளர்ச்சி அலுவலர் அரவிந்தன் ஆகியோர் பேசினர். கயத்தாறு வட்டார மருத்துவ அலுவலர் ராஜ்குமார் மற்றும் டாக்டர் திலகவதி ஆகியோர் வரவேற்றனர்.

நிகழ்ச்சியில் கயத்தாறு கிழக்கு ஒன்றிய தி.மு.க. செயலாளர் ஆ.சின்னபாண்டியன், மேற்கு ஒன்றிய செயலாளர் கருப்பசாமி பாண்டியன், கயத்தாறு பேரூராட்சி தலைவர் சுப்புலட்சுமி ராஜதுரை, கயத்தாறு நகரச் செயலாளர் சுரேஷ் கண்ணன், மாவட்ட இளைஞரணி துணை அமைப்பாளர் கருப்பசாமி பாண்டியன், மாவட்ட தகவல் தொழில்நுட்ப பிரிவு துணை அமைப்பாளர் ராஜதுரை, அங்கன்வாடி வட்டார அலுவலர் உள்பட பலரும் கலந்து கொண்டனர்.

அதனை தொடந்து காமநாயக்கன்பட்டியில் 284 கிராமங்கள் பயன் பெறும் வகையில் 100 கிலோவாட் மின் திறன் கொண்ட டிரான்ஸ்பார்மரை அமைச்சர் கீதாஜீவன் தொடங்கி வைத்தார்

நிகழ்ச்சியில் கோவில்பட்டி மின்வாரிய கோட்ட பொறியாளர் சகர்பான், கயத்தாறு உதவி செயற்பொறியாளர் முனியசாமி, கிராமபுற உதவி செயற்பொறியாளர் மெகாவல், கட்டுமான பிரிவு உதவி செய்ய பொறியாளர் தங்கராஜ், ஊரகப்பிரிவு இளமின் பொறியாளர் முருகேசன், பொறியாளர் மாரீஸ்வரன் ஆகியோர் கலந்து கொண்டனர்.

கோவில்பட்டி

கோவில்பட்டியை அடுத்துள்ள பாண்டவர்மங்கலம் கிராமத்தில் உள்ள பெரியார் முழு உருவச்சிலைக்கு மத்திய ஒன்றிய தி.மு.க. செயலாளர் வீ.முருகேசன் தலைமையில் நகர தி.மு.க. செயலாளரும், நகரசபை தலைவருமான கருணாநிதி மாலை அணிவித்து மரியாதை செலுத்தினார்.

நிகழ்ச்சியில் மாநில செயற்குழு உறுப்பினர் என்.ராதாகிருஷ்ணன், மாவட்ட பொறியாளர் அணி துணை அமைப்பாளர் ஆர்.ரமேஷ் மற்றும் நிர்வாகிகள் கலந்து கொண்டார்கள்.

ம.தி.மு.க. மத்திய ஒன்றிய செயலாளர் சரவணன் ஏற்பாட்டில் பெரியார் உருவ சிலைக்கு தூத்துக்குடி வடக்கு மாவட்ட இளைஞரணி செயலாளர் விநாயகா ரமேஷ், வடக்கு மாவட்ட செயலாளர் ஆர்.எஸ்.ரமேஷ் மற்றும் பலர் கலந்து கொண்டனர்.