மேலாத்தூர் வன்னியுடையார் சாஸ்தா கோவில் பாலாலயம் விழா

ஆறுமுகநேரி:

ஆத்தூர் அருகே உள்ள மேலாத்தூர் தாமிரபரணி ஆற்றங்கரையோரத்தில் அமைந்துள்ள பூர்ண புஷ்கலாம்பாள் சமேத வன்னியுடையார் சாஸ்தா கோவிலில் வரிதாரர்கள் பங்களிப்புடன் புனரமைப்பு மற்றும் விரிவாக்க பணிகள் நடக்க உள்ளது. இதைதொடர்ந்து கோவிலில் மகா கும்பாபிஷேக விழாவும் நடைபெற உள்ளது.

அதற்காக பாலாலய விழா நேற்று கோவிலில் நடைபெற்றது.

மகாகணபதி ஹோமத்துடன் தொடங்கி மகாலட்சுமி ஹோமம், சுதர்சன ஹோமம், சரபசூலினி ஹோமம், உட்பட சிறப்பு ஹோமங்கள் நடைபெற்றது. மூலவருக்கு சிறப்பு அபிஷேகம் மற்றும் தீபாராதனை நடைபெற்றது.

தொடர்ந்து வாஸ்து சாந்தி பூஜை நடைபெற்று, பூர்ண புஷ்கலாம்பாள் சமேத வன்னிய உடையார் சாஸ்தா மற்றும் பரிவார தெய்வங்களுக்கு பாலாலயம் நடைபெற்றது.

இதில் திரளான பக்தர்கள் கலந்து கொண்டனர்.