அரசு பஸ் கண்டக்டரை தாக்கியவர் கைது

மதுரை திருநகர் தனக்கன்குளம் பகுதியை சேர்ந்தவர் மூக்கன் (வயது 53), அரசு பஸ்சில் கண்டக்டராக வேலை பார்த்து வருகிறார். சம்பவத்தன்று அந்த பஸ்சில் அவனியாபுரத்தை சேர்ந்த வேல்சாமி (42) என்பவர் ஏறி உள்ளார். அப்போது கண்டக்டருக்கும், அவருக்கும் இடையே தகராறு ஏற்பட்டது. அதில் ஆத்திரமடைந்த வேல்சாமி கண்டக்டரை ஆபாசமாக பேசி தாக்கினார். இந்த தாக்குதல் குறித்து பஸ் கண்டக்டர் மூக்கன் எஸ்.எஸ்.காலனி போலீசில் புகார் செய்தார். போலீசார் வழக்கு பதிவு செய்து அவரை தாக்கிய வேல்சாமியை கைது செய்தனர்.