நாகை மாவட்டம் திருமருகல் ஒன்றியம் மருங்கூர் பகுதியில் திட்டச்சேரி போலீசார் ரோந்து பணியில் ஈடுபட்டனர். அப்போது மருங்கூர் நெய்குப்பை ஆற்றங்கரை தெருவை சேர்ந்த பாஸ்கர் (வயது 47) என்பவர் அந்த பகுதியில் சாராயம் விற்றது தெரியவந்தது. மேலும் இவர் காரைக்கால் பகுதியில் இருந்து சாராயம் கடத்தி வந்து விற்பனை செய்து வந்ததும் தெரியவந்தது. இதுகுறித்து திட்டச்சேரி போலீசார் வழக்குப்பதிவு செய்து பாஸ்கரை கைது செய்து, அவரிடம் இருந்து 110 லிட்டர் சாராயத்தை பறிமுதல் செய்தனர்.