பெட்டிக்கடையில் மது விற்றவர் கைது

திசையன்விளை:

திசையன்விளை அருகே உள்ள புலிக்குளம் வடக்கு தெருவை சேர்ந்தவர் கணேசன் (வயது 60). இவர் அங்கு பெட்டிக்கடை நடத்தி வருகிறார். இவர் அரசு மதுபான கடையில் மதுபாட்டில்களை வாங்கி வந்து சட்டவிரோதமாக கூடுதல் விலைக்கு விற்பதாக திசையன்விளை போலீசாருக்கு தகவல் கிடைத்தது. அதன்பேரில் போலீசார் அவரது கடைக்கு சென்று சோதனை செய்தனர். அப்போது கடையில் விற்பனைக்கு வைத்து இருந்த 7 மதுபாட்டில்களை பறிமுதல் செய்து கணேசனை கைது செய்தனர். மேலும் அவரிடம் இருந்து மதுவிற்பனை செய்த ரூ.150-ஐ பறிமுதல் செய்தனர்.