சாதனை படைத்த மாணவர்களுக்கு பாராட்டு

சங்கரன்கோவில்:

சங்கரன்கோவில் வடக்குபுதூர் வேல்ஸ் பப்ளிக் பள்ளியில் பயின்ற மாணவர் ஏ.சி.ஆஷில் ஜெஸ்வின் ராஜ், 12-ம் வகுப்பு சி.பி.எஸ்.இ. அரசு பொதுத் தேர்வில் 94 சதவீதம் மதிப்பெண்கள் பெற்று பள்ளியில் முதலிடம் பிடித்தார். மேலும் 10-ம் வகுப்பில் பயின்ற மாணவி ஆர்.ரக்ஷனா 96 சதவீதம் மதிப்பெண்கள் பெற்று பள்ளியில் முதலிடத்தை பிடித்தார். வெற்றி பெற்ற மாணவர்கள் மற்றும் அவர்களது பெற்றோரை பள்ளி தாளாளர் சண்முகசாமி பொன்னாடை போர்த்தியும், பூச்செண்டு வழங்கியும் கவுரவித்து பாராட்டினார். நிகழ்ச்சியில் பள்ளி முதல்வர் ஜெயபாரதி, ஒருங்கிணைப்பாளர்கள் மற்றும் ஆசிரியர்கள் கலந்துகொண்டனர்.