கருணாநிதி பிறந்த நாள் விழா

கடையநல்லூர்:

கடையநல்லூர் பகுதியில் தி.மு.க. சார்பில் கருணாநிதி பிறந்த நாள் விழா கொண்டாடப்பட்டது. இதையொட்டி கடையநல்லூர் நகரம் சார்பில் நடந்த நிகழ்ச்சிக்கு முன்னாள் மாவட்ட செயலாளர் செல்லத்துரை தலைமை தாங்கினார். நகர்மன்ற தலைவர் மூப்பன் ஹபீபுர் ரகுமான் முன்னிலை வகித்தார். நகர செயலாளர் அப்பாஸ் வரவேற்றார். மாநில தலைமை செயற்குழு உறுப்பினரும், முன்னாள் வடக்கு மாவட்ட செயலாளருமான செல்லத்துரை கடையநல்லூர் மணி கூண்டு அருகே அலங்கரித்து வைக்கப்பட்டிருந்த கருணாநிதி உருவப்படத்திற்கு மாலை அணிவித்து மரியாதை செலுத்தி, இனிப்புகள் வழங்கினார்.

கடையநல்லூர் ஊராட்சி ஒன்றியம் சின்னத்தம்பி நாடாரூரில் நடைபெற்ற நிகழ்ச்சிக்கு ஒன்றிய சேர்மன் சுப்பம்மாள் பால்ராஜ் முன்னிலை வகித்தார். ஒன்றிய செயலாளர் சுரேஷ் வரவேற்றார். முன்னாள் மாவட்ட செயலாளர் செல்லத்துரை 200-க்கும் மேற்பட்ட பெண்களுக்கு நலத்திட்ட உதவிகளை வழங்கினார். அதனைத் தொடர்ந்து சாம்பவர் வடகரை பஸ் நிலையம் அருகில் பேரூர் கழகம் சார்பில் ஏற்பாடு செய்யப்பட்டு இருந்த கருணாநிதி உருவப்படத்திற்கு மாலை அணிவித்து நலத்திட்ட உதவிகளை வழங்கினார்.