வாக்காளர் விழிப்புணர்வு சங்க தொடக்க விழா

சுரண்டை:

சுரண்டை காமராஜர் அரசு கலைக்கல்லூரியில் வாக்காளர் விழிப்புணர்வு சங்க தொடக்க விழா நடந்தது. கல்லூரி முதல்வர் சின்னத்தாய் தலைமை தாங்கினார். ஒருங்கிணைப்பாளர் மாரிப்பாண்டி வரவேற்று பேசினார். வீரகேரளம்புதூர் தாசில்தார் அழகப்பராஜா, துணை தாசில்தார் சங்கரவேலு ஆகியோர் வாக்காளர் விழிப்புணர்வு சங்கத்தை தொடங்கி வைத்து பேசினர்.

வாக்காளர்களின் கடமைகள், வாக்களிக்கும்போது கடைபிடிக்க வேண்டிய நெறிமுறைகள் குறித்து வருவாய் ஆய்வாளர் கண்ணன் விளக்கி கூறினார். தொடர்ந்து நடைபெற்ற வாக்காளர் விழிப்புணர்வு பேச்சு போட்டியில் மாணவி அருள்ஜோதி முதல் பரிசையும், மாணவர் அருண்குமார் 2-வது பரிசையும் வென்றனர்.