தூத்துக்குடியில் பெண்கள் மேம்பாடு குறித்த பள்ளி மாணவர்களின் விழிப்புணர்வு பேரணி

தூத்துக்குடி மாவட்ட மைய நூலகம் சார்பில் ராஜா ராம் மோகன்ராய் 250-வது பிறந்தநாளை முன்னிட்டு பெண்கள் மேம்பாடு குறித்த பள்ளி மாணவர்களின் விழிப்புணர்வு பேரணி மாவட்ட நூலக அலுவலகம் முன்பு நடைபெற்றது. நிகழ்ச்சிக்கு மாவட்ட நூலக அலுவலர் மீனாட்சி சுந்தரம் தலைமை தாங்கினார். சிறப்பு அழைப்பாளராக மாநகராட்சி மேயர் ஜெகன் பெரியசாமி கலந்து கொண்டு விழிப்புணர்வு பேரணியை கொடியசைத்து தொடங்கி வைத்தார். பேரணி முக்கிய சாலைகள் வழியாக சென்று மாவட்ட கல்வி அலுவலகத்தில் முடிவடைந்தது.

தொடர்ந்து பெண்கள் மேம்பாடு குறித்து பள்ளி மாணவிகளுக்கு பல்வேறு தலைப்புகளில் பேச்சுபோட்டி நடந்தது. இதில் வெற்றி பெற்ற மாணவிகள் ரோகிணி, இசக்கியம்மாள், பிரியதர்ஷினி, சுவீகா, வைஷ்ணவி ஆகியோர் வெற்றி பெற்றனர். விழிப்புணர்வு பேரணியில் பங்கேற்ற மாணவிகளுக்கு மாவட்ட முதன்மை கல்வி அலுவலர் பாலதண்டாயுதபாணி பரிசு வழங்கி பாராட்டினார். நிகழ்ச்சியில் பள்ளி ஆசிரியர்கள், நூலக பணியாளர்கள் கலந்து கொண்டனர்.