இலஞ்சி பாரத் பள்ளி மாணவர்கள் சாதனை

இலஞ்சி பாரத் வித்யா மந்திர் மேல்நிலைப்பள்ளி சி.பி.எஸ்.இ. 12-ம் வகுப்பு தேர்வில் மாவட்ட அளவில் முதலிடம் பெற்று சாதனை படைத்துள்ளனர். மாணவன் ஸ்ரீமன்பிரபு 96 சதவீதம் மதிப்பெண்கள் பெற்று மாவட்ட அளவில் முதலிடமும், மாணவி ஜீவிகா 95.4 சதவீதமும், மாணவர் ஜெயராம் 94.8 சதவீதமும் மதிப்பெண்கள் எடுத்து சாதனை படைத்தனர். இப்பள்ளி மாணவர்கள் பாட வாரியாக வேதியியலில் 99 சதவீதமும், இயற்பியலில் 96 சதவீதமும், கணிதம் மற்றும் உயிரியலில் 95 சதவீதமும், கணினியில் 98 சதவீதமும் பெற்று, மாவட்ட அளவில் சாதனை படைத்துள்ளனர்.

இதேபோல் 10-ம் வகுப்பு தேர்வில் மாணவ-மாணவிகள் அனுபாரதி 98.4 சதவீதமும், தர்ஷினி மதுரம், நேத்ரா ஸ்ரீ, மற்றும் பிரியா 97.6 சதவீதமும், பினுஷா பாத்திமா 97.2 சதவீதமும் மதிப்பெண் பெற்று தேசிய அளவில் சாதனைப் படைத்தனர்.

தமிழ், கணிதம், அறிவியல், சமூக அறிவியல் ஆகிய பாடங்களில் 100-க்கு 100 மதிப்பெண்கள் பெற்று பாரத் வித்யா மந்திர் மேல்நிலைப்பள்ளி மாணவர்கள் தேசிய அளவில் சாதனைப் படைத்தனர்

மாணவர்களை பள்ளி கல்விக் குழும தலைவர் மோகன கிருஷ்ணன், செயலர் காந்திமதி மோகன கிருஷ்ணன், முதல்வர் வனிதா மற்றும் ஆசிரியர்கள் பாராட்டினர்.