எட்டயபுரம் அருகே விபத்தில் ஊர்க்காவல் படைவீரர் பலி

எட்டயபுரம்:

எட்டயபுரம் அருகே உள்ள அயன்வடமலாபுரம் காலனி தெருவை சேர்ந்த கிருஷ்ணசாமி மகன் செல்வக்குமார் (வயது 38). இவர் விளாத்திகுளத்தில் ஊர்காவல் படை வீரராக பணியாற்றி வந்தார். மேலும் எம்.சாண்ட் விற்பனையும் செய்து வந்துள்ளார். இவர், நேற்று காலையில் மோட்டார் சைக்கிளில் அயன்வடமலாபுரம் கிராமத்தில் இருந்து வீரப்பட்டி நோக்கி சென்றுள்ளார். அப்போது கோவில்பட்டியில் இருந்து முத்தலாபுரம் நோக்கி வந்த அரசு பஸ்சும், மோட்டார் ைசக்கிளும் நேருக்கு நேர் மோதி விபத்துக்குள்ளாகின. இதில் மோட்டார் சைக்கிளில் இருந்து தூக்கி வீசப்பட்ட செல்வக்குமார் சம்பவ இடத்திலேயே ரத்தவெள்ளத்தில் ‌பரிதாபமாக உயிரிழந்தார். இது குறித்து தகவல் கிடைத்ததும் எட்டயபுரம் போலீசார் சம்பவ இடத்திற்கு விரைந்து சென்று அவரது உடலை கைப்பற்றி எட்டயபுரம் அரசு மருத்துவமனைக்கு பிரேத பரிசோதனைக்கு அனுப்பி வைத்தனர். இது தொடர்பாக போலீசார் வழக்குப்பதிவு செய்து அரசு பஸ் டிரைவர் மூப்பன்பட்டியை சேர்ந்த லெட்சுமண பெருமாள் (40) என்பவரிடம் விசாரணை நடத்தி வருகின்றனர்.