சாலை பணியாளர்களுக்கு ஹெல்மெட்; ராஜா எம்.எல்.ஏ. வழங்கினார்

சங்கரன்கோவில்:

கலைஞர் நூற்றாண்டு விழாவை முன்னிட்டு, சங்கரன்கோவிலில் இருசக்கர வாகனங்களில் செல்வோரின் பாதுகாப்பை கருத்தில் கொண்டு தென்காசி வடக்கு மாவட்ட தி.மு.க. செயலாளர் ராஜா எம்.எல்.ஏ. பல்வேறு இடங்களில் தனது சொந்த செலவில் ஹெல்மெட் வழங்கி வருகின்றார். அதன் ஒரு பகுதியாக பொதுப்பணித்துறையில் உள்ள சாலை பணியாளர்களுக்கு ஹெல்மெட் வழங்கும் நிகழ்ச்சி நடந்தது. ராஜா எம்.எல்.ஏ. கலந்துகொண்டு சாலை பணியாளர்களுக்கு ஹெல்மெட் வழங்கும் நிகழ்ச்சியை தொடங்கி வைத்தார். தொடர்ந்து அனைவருக்கும் ஹெல்மெட் வழங்கப்பட்டது. ஹெல்மெட்டை பெற்றுக் கொண்ட சாலை பணியாளர்கள் எம்.எல்.ஏ.வுக்கு நன்றி தெரிவித்தனர். நெடுஞ்சாலைத்துறை கோட்ட பொறியாளர் உலகம்மாள், மேலநீலிதநல்லூர் கிழக்கு ஒன்றிய செயலாளர் பெரியதுரை, ஜெயக்குமார், வீரமணி பிரகாஷ், கணேஷ் உள்பட பலர் கலந்து கொண்டனர்.