சிறுமளஞ்சி அரசு பள்ளி மாணவர்கள் சாதனை

வள்ளியூர்:

தமிழக பள்ளிக்கல்வித்துறை சார்பில், நெல்லை மாவட்ட அளவிலான வளையப்பந்து போட்டி மேலப்பாளையம் காயிதே மில்லத் பள்ளியில் நடந்தது. இதில் வள்ளியூர் அருகே உள்ள சிறுமளஞ்சி அரசு உயர்நிலைப்பள்ளி மாணவ-மாணவிகள் கலந்து கொண்டு சாதனை படைத்து உள்ளனர். இப்போட்டியில் இளையோர் ஆண்கள் பிரிவில் மாணவர் விஜயராஜா, மகேஷ் ஆகியோர் முதலிடத்தை பிடித்தனர். மூத்தோர் பெண்கள் பிரிவில் மாணவிகள் நந்திதா, கீர்த்திகா ஆகியோர் முதலிடத்தை பிடித்து மாநில அளவிலான போட்டிக்கு விளையாட தகுதி பெற்றுள்ளனர்.

மேலும் மாணவர்கள் பிரிவில் ஸ்ரீவசந்த், சச்சின் ஆகியோர் 2-ம் இடத்தையும், மாணவிகள் பிரிவில் தர்ஷினி தேவி, தீபிகா ஆகியோர் 2-ம் இடத்தையும், மகேஷ், தனுசியா ஆகியோர் 3-ம் இடத்தையும் பெற்றனர். சாதனை படைத்த மாணவ-மாணவிகளை பள்ளி தலைமை ஆசிரியர் செலின் கமலம், உடற்கல்வி ஆசிரியர் ரெனிட்டஸ் மற்றும் ஆசிரியர்கள், பெற்றோர்கள், மாணவ-மாணவிகள் பாராட்டினர்.