தர்மபுரியில், பல்வேறு கட்சிகள் சார்பில் காந்தி பிறந்தநாள் விழா சிலைக்கு மாலை அணிவித்து மரியாதை

தர்மபுரியில் பல்வேறு கட்சிகள், அமைப்பு சார்பில் காந்தி பிறந்தநாள் விழா கொண்டாடப்பட்டது. அவருடைய சிலைக்கு பல்வேறு கட்சியினர் மாலை அணிவித்து மரியாதை செலுத்தினர்.

தி.மு.க., காங்கிரஸ்

தர்மபுரியில் மகாத்மா காந்தி பிறந்தநாள் விழா சிறப்பாக கொண்டாடப்பட்டது. இதையொட்டி தர்மபுரி எஸ்.வி. ரோட்டில் உள்ள காந்தி சிலைக்கு தி.மு.க. சார்பில் கிழக்கு மாவட்ட செயலாளர் தடங்கம் சுப்பிரமணி மாலை அணிவித்து மரியாதை செலுத்தினார். இதில் மாவட்ட பொருளாளர் தங்கமணி, நகர செயலாளர் நாட்டான் மாது, மாவட்ட துணை செயலாளர் ரேணுகாதேவி, நல்லம்பள்ளி மேற்கு ஒன்றிய செயலாளர் வைகுந்தன், நல்லம்பள்ளி ஒன்றியக்குழு துணைத்தலைவர் பெரியண்ணன் உள்பட பலர் கலந்து கொண்டனர்.

தர்மபுரி மாவட்ட காங்கிரஸ் கட்சி சார்பில் மாவட்ட பொறுப்பாளர் தீர்த்தராமன் தலைமையில் கட்சி நிர்வாகிகள் காந்தி சிலைக்கு மாலை அணிவித்து மரியாதை செலுத்தினர். இதில் அகில இந்திய காங்கிரஸ் கமிட்டி உறுப்பினர் சித்தையன், மாவட்ட நிர்வாகி டி.நரேந்திரன், மகிளா காங்கிரஸ் மாவட்டத்தலைவர் காளியம்மாள், முன்னாள் மாவட்ட தலைவர் பாலகிருஷ்ணன், ஐ.என்.டி.யு.சி. மாவட்ட தலைவர் மோகன், மாவட்ட நிர்வாகிகள் வடிவேல், தங்கவேல், சென்னனகேசவன், வேடியப்பன், ஜெயசங்கர், சண்முகம், சுகர் சக்திவேல், வட்டார தலைவர்கள் வேலன், வெங்கடாசலம், காமராஜ், மணி, ஞானசேகர், சண்முகம், எஸ்.சி., எஸ்.டி. தலைவர் சம்பத் உள்பட பலர் கலந்து கொண்டனர்.

தே.மு.தி.க.

தர்மபுரி மாவட்ட தே.மு.தி.க. சார்பில் காந்தி சிலைக்கு மாவட்ட செயலாளர் குமார் தலைமையில் மாநில அவைத்தலைவர் டாக்டர் இளங்கோவன் காந்தி சிலைக்கு மாலை அணிவித்து மரியாதை செலுத்தினார். இதில் மாநில தொழிற்சங்க துணை செயலாளர் விஜய் வெங்கடேஷ், மாநில மன்ற துணை செயலாளர் புல்லட் மாரிமுத்து, மாவட்ட அவைத்தலைவர் தங்கவேல், மேற்கு மாவட்ட பொருளாளர் டாக்டர் ராமச்சந்திரன், துணை செயலாளர் மணி முனியப்பன், ஒன்றிய செயலாளர்கள் சரவணன், விக்னேஷ் குமார், ஜம்பேரி, மாவட்ட இளைஞரணி செயலாளர் திருமூர்த்தி, மாவட்ட இளைஞரணி துணை செயலாளர் செந்தாமரை கண்ணன் உள்பட பலர் கலந்து கொண்டனர்.

பாரதமாதா மக்கள் சிந்தனை குழு

தர்மபுரி பாரதமாதா மக்கள் சிந்தனை குழு சார்பில் காந்தி சிலைக்கு நகராட்சி தலைவர் லட்சுமி நாட்டான்மாது மாலை அணிவித்து மரியாதை செலுத்தினார். முன்னாள் நகராட்சி கவுன்சிலர் நாட்டான் மாது நேரு சிலைக்கு மாலை அணிவித்து மரியாதை செலுத்தினார். ஆன்மிகத்தில் ஆனந்தம் அமைப்பின் நிறுவனர் டி.என்.சி. மணிவண்ணன் இனிப்பு வழங்கினார். இந்த நிகழ்ச்சியில் பாரதமாதா மக்கள் சிந்தனை குழு தலைவர் பிரதீப் குமார், செயலாளர் சவுந்தரபாண்டியன், பொருளாளர் தசந்திரமோகன், மக்கள் தொடர்பு அலுவலர் வினோத், ஒருங்கினைப்பாளர் சக்திவேல் மற்றும் உறுப்பினர்கள் ராஜா கிருஷ்ணன், கார்த்திகேயன், ராம், விஜய் உள்பட பலர் கலந்து கொண்டனர்.