சூதாடிய 2 பேர் கைது

மயிலாடுதுறை,

மயிலாடுதுறை காமராஜர் பஸ் நிலையத்தில் உள்ள ஒரு கடையில் சிலர் பணம் வைத்து சூதாடுவதாக போலீசாருக்கு ரகசிய தகவல் கிடைத்தது.இதன்பேரில் போலீசார் சம்பவ இடத்துக்கு சென்று சோதனையில் ஈடுபட்டனர். அப்போது கடையில் சீட்டுக்கட்டுகளுடன் சூதாட்டத்தில் ஈடுபட்ட 2 பேரை போலீசார் பிடித்தனர். அவர்களிடம் போலீசார் நடத்திய விசாரணையில் அவர்கள் மயிலாடுதுறை அவையாம்பாள் புரத்தை சேர்ந்த கதிரவன் (வயது 65), திருவிழந்தூர் ஆரிய பிள்ளையார் கோவில் தெருவை சேர்ந்த அய்யப்பன்(40) என தெரியவந்தது. அவர்களை போலீசார் கைது செய்து அவர்களிடம் இருந்து சீட்டுக்கட்டுகள், மற்றும் ரூ.200-ஐ பறிமுதல் செய்தனர்.